|
29.07.2010 16:17
 Աննա Բալյան
«Ռադիոլուր»
5,5 միլիարդ դոլար նախնական գումարով ու հայ- ռուսական հավասար` 50/50 բաժնեմասերով Մեծամորի ատոմակայանի հրապարակի վրա մեկնարկել են միջուկային նոր էներգաբլոկի կառուցման նախապատրաստական աշխատանքները: Հրապարակի ընտրության հիմնավորումները հաջորդ շաբաթ կներկայացվեն ՄԱԳԱՏԵ- ի փորձագետներին: Դրական եզրակացության դեպքում կսկսվի կառուցումը:
«Այսօր կառավարության օրակարգում կար հարց` Էներգետիկայի եւ բնական պաշարների նախարարը պետք է ներկայացնի հայ-ռուսական միջկառավարական համաձայնագիր նոր էներգաբլոկի կառուցման համար եւ դրանից հետո կառուցման աշխատանքները ավելի արագ կլինեն»,- հայտնեց կառավարությանն առընթեր միջուկային անվտանգության կարգավորման պետական կոմիտեի նախագահ Աշոտ Մարտիրոսյանը£
Միջուկային նոր էներգաբլոկի կառուցումը կմեծացնի Հայաստանի էներգետիկ անվտանգությունը` նվազագույն ծախսերով. սա երկրի` էլեկտրաէներգետիկական համակարգի արտադրող հզորությունների նվազագույն ծախսերով զարգացման ծրագրի եզրակացությունն է:
«Արմատ» ակուբում տեղի ունեցած ասուլիսի ընթացքում Աշոտ Մարտիրոսյանը տեղեկացրեց նաեւ Սյունիքի մարզում ուրանի հանքի հետազոտման աշխատանքների մեկնարկի մասին: Արդյունաբերական պաշարների առկայության դեպքում զգալի կնվազի ատոմակայանում արտադրվող էլեկտրաէներգիայի ինքնարժեքը, ասաց նա£
!
Լրատվությունը արտատպելու կամ օգտագործելու դեպքում հղումը Հայաստանի Հանրային Ռադիոյին պարտադիր է:
Տպելու տարբերակ
Վերադառնալ
|
